مهم جداً ,, كل عام وأنتم الى الله أقرب :)

السلام عليكم ورحمة الله وبركاته

دخلت بسرعه اكتب البوست لانه بجد حاسه انه مهم


احنا النهارده فى يوم من أعظم ايام السنه


يوم ممكن يفرق بجد فى حياة كل انسان

علشان كده مش عايزين نضيعه

مش عايزينه يكون صيام عن الطعام والشراب فقط


لأ ,, لازم نعمل حاجه كبيره فيه



حاجه مش بنعملها على طول


بمعنى ان مش لازم يعدى علينا وعبادتنا فيه تكون زى اى يوم عادى



شوفو بقى كل واحد ومقدرته يعمل ايه



اللى يتصدق بمال كتير


اللى عايز ياخد ثواب افطار صائمين


والذكر الكتير والتكبير والتهليل والتسبيح وقراءة القـــرآن


عايزين يا جماعه نعظم شعائر الله فى اليوم العظيم ده

ونحتسب فى الصيام كما قال النبي صلى الله عليه وسلم: "صيام يوم عرفات أحتسب على


الله أن يكفر السنة التي قبله والتي بعده" (رواه مسلم).

والأخوات يا ريت ما تضيعوش اليوم جه فى توضيب وتنضيف الشقه والحجات دى

والاخوه يا ريت يعتكفو فى المسجد أفضلهم



الشقه واى حاجه تانيه ممكن تتعمل فى اى يوم بعد كده


لكن عرفه هو يوم واحد بس


وبيجى فى السنه مره واحده بس



يعنى لو ضاع


احنا ما نضمنش اننا هنعيش ليوم عرفه السنه الجايه



حتى لو عشنا ما نضمنش يكون فينا صحه نقدر نصوم ونصلى ونذكر ونعمل عبادات زى دلوقتى



واستشعرو فى اليوم ده ان يوم عرفه



خير يوم طلعت عليه الشمس

وعن عائشة رضي الله عنها أن النبي صلى الله عليه وسلم قال


"ما من يوم أكثر من أن يعتق الله فيه عبدًا من النار من يوم عرفة وإنه

ليدنو ثم يباهي بهم الملائكة فيقول: ما أراد هؤلاء " [رواه مسلم في صحيحه]




واهم حاجه فى اليوم ده الدعـــــــــاااااااااااء

أوصيكم ونفسى بالدعاء

لانه خير الدعاء دعاء يوم عرفه



الدعاء بحضور قلب واستشعار لعظمة الله-جل جلاله-



وما يدريك فلعلك أن تدعو بدعوة تصيب بها سعادة لا تشقى بعدها أبداً !


وما يدريك في هذا اليوم لعلك أن تقول كلمة تكون سبباً في نجاتك من الفتن


ما ظهر منها وما بطن فهذا يوم السؤال ويوم الحاجة والتضرع .

فى النهايه بجد ياجماعه يا ريت ما تنسوش المسلمين

وأســـــــــرى المسلمين فى كل مكان أن يردهم الله الى أهليهم وذويهم


سالمين غانمين معافين غير مفتونين عاجلاً غير آجل من دعائكم



والمجاهدين والمرابطين المسلمين فى كل مكان ان يقويهم الله ويسدد رميهم وينصرهم

ويرزق اهليهم الصبر والسكينه




الناس دى محتاجه الدعاء جدا

محتاجه المسلمين كلهم فى يوم عظيم زى ده يتوجهو الى ربهم


بقلوب خاشعه ليسألو الله أن يفرج عن اخوانهم المسلمين

ويفرج كروبهم جميعا


حتى يرد عليكم ملك ويقول "ولك بالمثل "

انتو مش حاسين بجد باللى هم فيه دلوقتى

العيد داخل والفرحه داخله وهم واهلهم



مش حاسين بأى لحظه سعاده ولا فرحه

وهيحسو ازاى بالسعاده فى ايام زى دى وهم مش عارفين


أسراهم فين وبيعملو ايه وشكلهم ايه وحالتهم ايه فى الوقت ده

نسأل الله العظيم ان يفرج كروب المسلمين جميعا


فى النهايه يا ريت ما تقعدوش عالنت النهارده علشان تضيعوش الوقت العظيم ده


وكــــــــل عام وانتم بخير والى الله أقرب

ولا تنسونى من دعوه صالحه








والسلام عليكم ورحمة الله وبركاته